Hákun West á Teigum skoraði eitt mál tá lið hansara, Skanderborg-Århus í útidysti í bestu donsku hondbóltsdeildini vann 31-24 á Lemvig. Í steðginum var Skanderborg-Århus á odda 16-11,
Skanderborg-Århus hevur fingið eina góða byrjan uppá kappingina við trimum sigrum í trimum teimum fyrstu dystunum hetta kappingarárið.
Skanderborg-Århus liggur í oddinum við seks stigum saman við AaB, GOG, Skjern og Fredericia.
Komandi leygardag tekur Skanderborg-Århus móti AaB í einum oddabraki har bæði liðini hava seks stig hvør.
