Hákun West av Teigum slapp endiliga til orðanna í einum Champions League dysti hjá Füchse Berlin.
Füchse Berlin vann í kvøld 38-32 á Fredericia á útivølli. Í fyrra hálvleiki var Fredericia væl við, og í steðginum var støðan javnleikur 17-17.
Hákun fekk møguleikan í seinna hálvleiki, og hann tók av. Tað eydnaðist Hákuni at skora fimm mál upp á fimm málmøguleikar.
Talan er um fyrstu málini Hákun skorar í Champions League.
Füchse Berlin er á einum triðja plássi í innleiðandi bólki A við fýra stigum fyri tríggjar dystir. Fremst eru Sporting Lissabon og Dinamo Bukarest við seks stigum hvør.
HER ber til at síggja ein samandrátt av dystinum Fredericia-Füchse Berlin 32-38 (17-17). Tíverri er einki mál hjá Hákuni við í samandráttinum:
##med2##
Hóskvøldið 10. oktober tekur Füchse Berlin móti pólska liðnum, Wisla Plock í Max Schmelling høllini í Berlin.
Andrias Edmundsson spælir við fótbóltsliðnum hjá Wisla Plock.
