Bæði føroyingaliðini í bestu donsku hondbóltsdeildini vóru í eldinum í dag.
Hákun West á Teigum og liðfelagarnir í Skanderborg-Århus vunnu ein tepran 32-30 sigur á Midtjyllandi á útivølli.
Midtjylland skoraði til 30-31 tá 47 sekund vóru eftir av dystinum. Tað eydnaðist Skanderborg-Århus at halda høvdið kalt, og tá sjey sekund vóru eftir skoraði Torben Petersen sigursmálið til 32-30.
Í steðginum var Skanderborg-Århus á odda 18-15.
Í dag skoraði Hákun fýra mál.
Vilhelm Poulsen og liðfelagarnir í Lemvig-Thyborøn høvdu torføran útidyst móti toppliðnum, GOG.
GOG vann ein greiðan 33-28 sigur. Í steðginum var GOG á odda 24-14.
Vilhelm skoraði eitt mál fyri Lemvig-Thyborøn í dag.
Skanderborg-Århus er nummar níggju við 10 stigum.
Lemvig-Thyborøn er næstaftast við fýra stigum.
Komandi týskvøld spælir Skanderborg-Århus móti Fredericia á heimavølli. Kvøldið aftaná spælir Lemvig-Thyborøn á heimavølli móti Sønderjyske.