Í kvøld skriva fleiri útlendskir miðlar um nýggj álop á ukrainska havnabýin, Odessa.
Talsmaðurin hjá býarstýrinum, Sergei Bratchuk, sigur, at rakettir hava rakt býin í kvøld.
BBC endurgevur talsmannin fyri at siga, at fimm bygningar eru oyðilagdir, og fimm fólk hava fingið løstir.
Kyiv Independent veit at siga, at fleiri harðar spreingingar hava verið í býnum við Svartahavið.
- Eldur er eisini í einari keypsmiðstøð av álopunum, verður lagt aftrat.
Odessa, sum er ein týdningarmikil havnabýur, er kendur sum "Svartahavsins Perla".
Í forstaðnum Juzjne er týdningarmikil altjóða oljuterminalur, og fólkatalið í Odessa liggur um eina miljón.
