Trý ísfiskalínuskip eru í løtuni til fiskiskap undir Føroyum.
- Skipini koma inn at landa síðst í næstu viku ella fyrst í aðru viku.
Tað vita tey á Fiskamarknaði Føroya at siga.
Lagt verður aftrat, at fimm frystilínuskip eru til fiskiskap undir Føroyum, og tvey fiska í íslendskum sjógvi.
Streymurin verður harður, og veðrið verður umskiftandi alla næstu viku.
- Tí verður ikki roknað við nógvum útróðri í vikuni sum kemur, siga tey á Fiskamarknaði Føroya.
