Tað gongur ikki væl hjá føroysku liðunum í Europa fótbóltinum í ár.
Eftir fyrsta umfar lá tað mest sum í luftini, at NSÍ fór at verða varpað úr kappingini. NSÍ tapti 2-0 á heimavølli og eftir fyrra hálvleik á útivølli er NSÍ aftanfyri 2-0.
Týskvøldið misti B36 á stokkinum, og í kvøld hevur HB mist rættin at halda fram í Europa liguni. Levadia hevur í kvøld vunnið 2-0 í Gundadali og harvið samantalt 3-1.
Einasta føroyska liðið, sum í løtuni hevur møguleika at vinna Føroyum rætt at halda fram, er Víkingur, sum spælir á Svangaskarði. Har er hálvleiksstøðan 2-0, eftir at Ventspils fyri einari viku síðani vann 2-ø0 á heimavølli.
LIÐUGT
0-2
0-2: Anton Miranchuk
Tað varð Levadia, sum skoraði málið, ið lúrdi í Gundadali. HB var sera framrættað, og spælarin var púra leysur frammanfyri Teit Matras Gestsson, tá ið hann setti bóltin í málið.
Tríggir minuttir lagdir aftrat.
90) 0-1
HB spælararnir vísa góðan hugburð, men nú síggja teir út til at vera sera troyttir.
83) 0-1
HB pressar øgiligt fyri at skora útjavnandi málið og harvið at fáa longda leiktíð. Tað ber við sær, at møguleikin hjá gestunum at fara í mótálop er størri, og teir eru vandamiklir. Tað liggur í luftini, at eitt mál fer at verða skorað aftrar. Spurningurin er, hvørjum enda tað fer at verða skorað í.
79) 0-1
Øssur Dalbúð verður settur á vøllin í staðin fyri Adrian Justinussen.
78) 0-1
Ari Mohr Olsen fer av vøllinum, og í hansara stað verður settur Pál Mohr Joensen.
76) 0-1
GULT KORT. Adrian Justinussen sær gult fyri fríspark.
73) 0-1
HB leggur trýst á, og eftir horna frá Adrian Justinussen er tætt við, men bólturin siglir framvið øllum og út í hinum borðinum. HB spælararnir tykjast trúgva upp á møguleikan, hóast teir eru sera troyttir.
71) 0-1
0-1: Kobzar
Eftir innlegg úr vinstru er Kobzar leysur mitt fyri, tá ið hann við høvdinum setur bóltin í HB málið. Nú eru fyritreytirnar púra broyttar. Í fyrstu atløgu er neyðugt at hjá HB at skora fyri at fáa longda leiktíð.
69) 0-0
Teit Jacobsen sær gult fyri sambært dómaran at royna at filma seg til fríspark á brotsteigarmarkinum í høgru.
67) 0-0
Nú er tað Levadia venjarin, sum er illa nøgdur, tí HB spælararnir geva sær góðar stundir í sambandi við deyðbóltstøður.
65) 0-0
Levadia risa møguleika. Eftir fríspark úr vinstru verður stútað við handara stólpa og fyri opnum máli, men bólturin fer dygst skeivu megin stólpan - har var tætt við!
60) 0-0
Tað gongur framvegis javnt á. Kanska tykist tað sum um, at HB spælararnir eru móðari enn mótstøðumenninir.
57) 0-0
GULT KORT. Ari Mohr Olsen sær gult fyri fríspark.
50) 0-0
Ari Mohr Olsen roynir seg ímóti málinum, men bólturin fer við síðuna av.
46) 0-0
HB fer á vøllin í somu uppstilling, sum endaði fyrra hálvleik. Longu undan steðginum varð Christian R. Mouritsen skiftur út við Bartal Wardum.
HÁLVLEIKUR
0-0
45) 0-0
Tveir minuttir lagdir aftrat fyrra hálvleiki.
43) 0-0
GULT KORT. Miðverjin Morozov sær gult fyri at gera fríspark aftarlaga í høgru ímóti Teit Jacobsen. Adrian Justinussen tekur sær av frísparkinum úr góðari støðu í vinstru, men sendingin er alt ov óneyv.
40) 0-0
Kobzar sneiðir seg leysan úr vinstru, og tá ið hann er komin mitt fyri, smekkar hann til úr átjan metrum, men Teitur Matras Gestsson bjargar.
39) 0-0
Ferðin hjá HB er minkað nakað, og nú er tað Levadia, sum er meiri á bóltinum, og nú gongur meiri fyri seg á HB hálvuni, men í løtuni er talan ikki um upplagdar málmøguleikar.
36) 0-0
Bartal Wardum avloysir Christian R. Mouritsen. Bartal verður settur í fremstu røð.
34) 0-0
Levadia roynd úr 22 metrum endar við málsparki, tí bólturin fer væl omanfyri málið.
33) 0-0
Christian R. Mouritsen kemur aftur á vøllin.
32) 0-0
Christian R. Mouritsen liggur skaddur frammanfyri egnan brotsteig, og nú verður hann borin á børu av vøllinum.
30) 0-0
HB er undir stórum trýsti. Eftir HB fríspark í vinstru, og eftir at HB spælararnir vilja hava dómaran at bríksla fyri brotssparki fyri hands, fer mótsstøðuliðið í skjótt álop, og tað er øgiliga vandamikið, tá ið HB eftir innlegg úr vinstru bjargar á strikuni og so til horna, ið spent støða spyrst burturúr.
27) 0-0
Eftir innlegg úr vinstru og til handara stólpa er Hunt í góðari støðu, tá ið hann stútar, men Teitur M. Gestsson bjargar.
25) 0-0
Tað mesta gongur fyri seg millum brotsteigarnar, men tað er eingin ivi um, at tað er HB, sum er meiri á bóltinum, og at tað gongur meiri fyri seg á mótstøðuhálvuni.
22) 0-0
Nú Rókur Jespersen ikki er tøkur, kemur tað illa við, at Tróndur Jensen liggur skaddur á vøllinum. Tíbetur reisir hann seg aftur og ætlar at halda fram at spæla.
19) 0-0
Ungu HB spælararnir eru væl upplagdir. Nú var tað Teit Jacobsen, sum sneiddi framvið trimum mótstøðumonnum, áðrenn hann stutt uttanfyri brotsteigin royndi at spæla í høgru til Adrian Justinussen, men ein verjuspælari kom akkurát ímillum. Har var tætt við uppløgdum møguleika.
16) 0-0
Magnus Egilsson er um reppið at síggja gult eftir ógvusligt fríspark. HB liðið kennist vera væl upplagt, og tað verður ikki spart, tá ið liðið leypir á við fimm ella seks monnum.
13) 0-0
Nú hevði HB risa møguleika at skora! Magnus Egilsson legði innfyri, og við handara stólpa var Adrian Justinussen í sera góðari støðu, tá ið hann setti innaru síðuna á, men úr átta metrum sigldi bólturin omanfyri tvørtræið handaru megin.
12) 0-0
FC Levadia tiltuskar sær tvey horna - fyrst í vinstru og síðani í høgru. Einki spyrst burturúr, men estlendingarnir eru treiskir og vilja illa geva seg, áðrenn HB fer í fínt skjótt álop, har tað sær gott út, men har sending úr vinstru frá Magnusi Egilsson fer væl út av vøllinum. Spell.
10) 0-0
So leingi sum støðan er málleysur javnleikur, eigur HB plássið í næsta umfari. Tað kemst av málinum, sum varð skorað á útivølli.
08) 0-0
HB spælararnir eru grammir og framrættaðir. Teir seta manngarðin væl frammanfyri miðstrikuna, har Adrian Justinussen og Ari Mohr Olsen eru fyrstu menninir í verjuspælinum.
06) 0-0
Christian R. Mouritsen fer um koll í mótstøðubrotsteiginum, og HB spælararnir vilja hava dómaran at bríksla fyri brotssparki, men tjekkiski dómarin tigur.
04) 0-0
Teit Jacobsen er fluttur aftur á sentrala miðvallarplássið undir liðini á Tróndi Jensen.
02) 0-0
HB er í reyðum og svørtum, sum liðið plagar at vera. Mótstøðumenninir eru hvítir frá issa og til solla.
00) 0-0
Merkisvert er tað, at Rókur Jespersen ikki er á HB liðnum. Hann hevur givið avboð, tí hann hvørja løtu kann verða pápi.
00) 0-0
Líkindini í Gundadali eru av teimum fagrastu. Tað er turt, stilt og trettan hitastig!
HB-FC Levadia Tallinn kl. 18.00
Dómarakvartett úr Tjekkia: Radek Příhoda, Jiří Moláček, Jakub Hrabovsky og Jiří Houdek
Fyrri dysturin endaði 1-1
HB: Teitur Matras Gestsson – Jógvan Rói Davidsen, Jóhan Troest Davidsen, Fróði Benjaminsen, Ári Mohr Jónsson – Tróndur Jensen, Teit Jacobsen – Christian R. Mouritsen, Adrian Justinussen, Magnus Egilsson – Ári Mohr Olsen
Á beinkinum: Niklas Thomsen, Bartal Wardum, Pál Mohr Joensen, Daniel Johansen, Tóri Rasmussen, Øssur M. Dalbúð
Venjari: Jan C. Dam
Levadia: Sergei Lepmets – Luc Landry Tabi Manga, Ilja Antonov, Marcellin Gando, Anton Miranchuk, Siim Luts, Marek Kaljumäe, Maksim Podholjuzin, Igor Morozov, Rimo Hunt, Evgeni Kobzar
Á beinkinum: Priit Pikker, Hindrek Ojamaa, Daniil Ratnikov, Andreas Raudsepp, Alan Gatagov
Venjari: Sergei Ratnikov
------
HÁLVLEIKUR
0-0
44) 0-0
Framvegis málleyst, og fremvegis eru víkingarnir sera ágrýtnir.
32) 0-0
Sera tætt við, at Víkingur javnar, men eftir at Sorin Anghel stútar upp um málverjan, siglir bólturin dygst framvið málinum.
30) 0-0
GULT KORT.
25) 0-0
GULT KORT. Andreas Lava Olsen fyri fríspark.
Víkingur hevur havt fýra hornaspørk, uttan at nakað er komið burturúr.
18) 0-0
So var um reppið, at Philip Djordjevic legði Víking framum. Hann sneiddi framvið tveimum, og tá ið hann var komin í brotsteigin smekkaði hann til, men bólturin brast í tvørtræið.
16) 0-0
Leikgongdin er tann sama. Víkingarnir eru ágangandi, og teir vinna nógvar nærdystir, men higartil er tað málleyst.
Sum á heimavølli so spælir Ventspils seg eisini í kvøld við longum sendingum og høgum innleggum.
10) 0-0
Tað er einki at bíða við, tá ið støðan er 2-0 til mótstøðuliðið. Víkingur leggur nógv fyri í royndini at minka um munin.
03) 0-0
GULT KORT. Hans Jørgen Djurhuus hevur longu sæð gula kortið fyri fríspark.
00) 0-0
Sámal Erik Hentze hevur út frá royndini á útivølli broytt Víkingaliðið í kvøld. Sorin Anghel er á verjukendum miðvallarplássi saman við Hans Jørgen Djurhuus. Mótstøðumenninir eru kropssterkir, og teir eru serliga stinnir í høvuðspælinum.
Víkingur-Ventspils kl. 19.00
Ventspils vann fyrra dystin 2-0
Víkingur: Geza Turi – Bárður J. Hansen, Atli Gregersen, Erling Jacobsen, Gert Hansen – Hans Jørgen Djurhuus, Soren Anghel – Andreas Lava Olsen, Sølvi Vatnhamar, Philip Djordjevic – Finnur Justinussen
----
42) 2-0
2-0: Rudyka
20) 1-0
1-0: Burko
Shakhtyor-NSÍ kl. 19.00
