Tann 37 ára gamla kvinnan, Gosiame Thamara Sithole, úr Suðurafrika átti sjey dreingjabørn og trý gentubørn. Hon væntaði sær tó bert seksburar, men skanning vísti, at hon hevði átta børn í búkinum. Men tá til stykkis kom, fekk hon 10 nýføðingar.
Gosiame er nú mamma 12 børnum, tí hon átti longu tvíburar.
Viðgongutíðin hjá Gosiame hevur verið sera hørð við nógvari pínu í beinunum og annað.
Harumframt hevur Gosiame Thamara Sithole óttast, um øll børnini fóru at klára eina hættisliga føðing, og tey kláraðu tíbetur skerini og eru nú innløgd á sjúkrahúsi, har tey skulu liggja í fimm mánaðir, áðrenn tey kunnu koma heim.
