Helle Thorning-Schmidt og fylgi vitjaðu í dag í høvuðssætinum hjá Føroya Tele í Klingruni í Hoyvík í dag, har Kristian Davidsen, stjóri, vísti henni runt í húsinum og greiddi frá virkseminum hjá Føroya Tele.
Hon var sera áhugað í at hoyra um, hvussu vit hava ment eina telefyritøku her í Norðuratlantshavi, og hvussu vit hava bundið okkara oyggjar upp í umheimin. Eisini hevði tað hennara áhuga at frætta um, hvussu vit hava fingið forrætning í telesamskifti í Norðsjónum og vestan fyri Hetland. Hon vísti eisini serligan áhuga fyri at frætta um tað, sum Føroya Tele ger í danska sektorinum saman við Mærk og Hess, sigur Kristian Davidsen.
Forsætisráðharrin og fylgi vórðu víst runt í bygninginum hjá Føroya Tele, har tey gingu millum starvsfólkini.
Ein slík vitjan hevur týdning. Vit skulu vísa okkara land fram frá okkara góðu síðum, og tað vilja vit verða við tii á henda hátt, segði Kristian Davidsen.
Hoyrið ljóðbrot við Kristian Davidsen niðanfyri:
