Spildurnýggi Toyota Avensis bilurin frá Reni Service er størsti eyðkavinningurin, Útvarp Føroya nakrantíð hevur burturlutað. Tann, ið gjørdist hepni vinnarin av hesum eyðkavinningi í V4 drátti nummar 1299 var Herfríð Sørensen úr Hoyvík.
Í kvøld verður V4 dráttur nummar 1300 drigin, og í hesum sambandi letur útvarpið ein eyðkavinning á 50.000 krónur. Men dráttur 1300 er ikki einasti rundi V4 drátturin hjá Útvarpi Føroya í ár. Tí í november verða 30 ár síðani fyrsta regluliga V4 dráttin, og væntandi verður aftur onkur stórur eyðkavinningur hendan dráttin.
Vinningarnir í V4 eru annars størri nú enn nakrantíð áður.
