Egyptaland hevur triðja HM-endaspælið á rað vunnið seg í fjórðingsfinaluna.
Egyptaland eru framvegis við fullum stigatali í millumbólki 4 aftaná fýramálssigur á Bahrain í dag.
Egyptar hava átta stig, og Danmark hevur fimm stig. Danmark vinnur við 99,9 prosents vissu á USA í kvøld klokkan 19.30, og so verður tað mánadagin í dystinum millum Danmark og Egyptaland, at londini skulu stríðast um at vinna bólkin og sleppa undan at møta Svøríki í fjórðingsfinaluni í Stokkhólmi.
Kroatia kann røkka sjey stigum, men teir hava nógv verri málmun enn Danmark, og tað verður neyvan broytt tá Danmark í kvøld hevur spælt móti USA.
Liðið sum vinnur millumbólk 4 skal møta Portugal ella Ungarn í fjórðingsfinaluni, ið er at fyritrekkja framum vertslandið, Svøríki.
Bahrain – Egyptaland 22-26 (9-13)
Bahrain : Ali Merza Ali 6, Husain Alsayyad 4, Mohamed Mohamed 4, Qasim Qambar 3, Ali Eid 2, Hasan Ali 1, Mujtaba Alzaimoor 1, Mohamed Ali 1.
Egyptaland : Yehia Elderaa 5, Akram Saad 4, Mohammad Sanad 4, Ali Mohamed 4, Mohsen Mahmoud 3, Ahmed Mesilhy 3, Seif Elderaa 2, Ahmed Mohamed 1.
Støðan:
| Nr | Lið: | Dystir | V | J | T | Málmunur | Stig |
| 1 | Egyptaland | 4 | 4 | 0 | 0 | 125:88 | 8 |
| 2 | Danmark | 3 | 2 | 1 | 0 | 111:81 | 5 |
| 3 | Bahrain | 4 | 2 | 0 | 2 | 105:117 | 4 |
| 4 | Kroatia | 3 | 1 | 1 | 1 | 94:85 | 3 |
| 5 | Belgia | 3 | 0 | 0 | 3 | 84:106 | 0 |
| 6 | USA | 3 | 0 | 0 | 3 | 65:107 | 0 |
