Holland hevur ein stolta fótbóltssøgu og vann EM í 1988. Seinastu fimm árini hava tó verið alt annað enn glæsilig fyri Holland, sum ikki var við til EM 2016 ella HM 2018 endaspælið.
Nú er Holland aftur, har sum tað hoyrir heima. Millum tey bestu í Evropa, men tað er ikki uttan avbjóðingar. Ronald Koeman var maðurin, sum førdi Holland til EM-endaspælið, men hann tók við sum venjari hjá FC Barcelona undan farna kappingarári.
Liðið er uttan stóru verjukempuna Virgil van Dijk. Miðverjin hjá Liverpool hevur verið langtíðarskaddur og vil ikki taka nakar kjansir til EM-endaspælið, hóast hann er farin at renna aftur. Liðið er eisini uttan fyrstaval í málinum, Jasper Cillessen, og Donny van de Beek er farin heim, tí hann er skaddur.
Nýggjur landsliðsvenjari er Frank de Boer. Hann var væl lýddur sum spælari, men hann tykist ikki hava líka nógvar fjepparar sum venjari. Stóri kritikkurin er, at hann er farin frá 4-3-3 til 5-3-2. Tað passar hollendarum illa.
Liðið hevur nógvar evnaríkar spælarar, men hetta er ikki eitt hollendskt landslið, sum nakar væntar fer at vinna EM.
Bólkur C:
Holland – Ukreina (20.00)
Dómari: Felix Brych, Týskland
Leikvøllur: Johan Cruijff ArenA, Amsterdam í Hollandi
Holland (5-3-2): Stekelenburg - Dumfries, de Vrij, de Ligt, Blind, Wijndal - Klaassen, Wijnaldum, de Jong - Weghorst, Depay
Hópurin hjá Hollandi:
Málverjar:
Marco Bizot, AZ
Tim Krul , Norwich
Maarten Stekelenburg, Ajax
Verjuspælarar:
Patrick van Aanholt, Crystal Palace
Nathan Aké, Manchester City
Daley Blind, Ajax
Denzel Dumfries, PSV
Matthijs de Ligt, Juventus
Jurriën Timber, Ajax
Joël Veltman, Brighton
Stefan de Vrij, Inter Milan
Owen Wijndal, AZ
Miðvallarar:
Ryan Gravenberch, Ajax
Frenkie de Jong, Barcelona
Davy Klaassen, Ajax
Teun Koopmeiners, AZ
Marten de Roon, Atalanta
Georginio Wijnaldum, Liverpool
Áleyparar:
Steven Berghuis, Feyenoord
Cody Gakpo, PSV
Luuk de Jong, Sevilla
Donyell Malen, PSV
Memphis Depay, Lyon
Quincy Promes, Spartak Moskva
Wout Weghorst, Wolfsburg