Tað var Maria Skaalum Petersen, granskari á Fróðskaparsetrinum, sum fekk Ársins miðlaheiður 2022 fyri sína góðu, vísindaligu miðling. Heiðurin varð latin, nú Vísindavøkan í Løkshøll í Runavík, endaði.
– Á fyrimyndarligan hátt lýkur tú krøvini at vinna Ársins miðlaheiður, segði Øssur Winthereig, journalistur, tá ið hann handaði Mariu Skaalum Petersen, ársins miðlaheiður. Maria Skaalum Petersen, er ph.d. og lektari í heilsuvísindum, og granskingarleiðari.
Maria dugir sera væl at leggja granskingina fram á lætt skiljandi, gerandisligan og ótilgjørdan hátt. Javnan er hon frammi og málber seg soleiðis, at øll kunnu skilja, og hennara miðling er bæði umfatandi og á so mongum pallum, segði Øssur Winthereig vegna Føroysk Miðlafólk, tá ið hann handaði henni heiðurslønina vegna Granskingarráðið.
Tey, sum higartil hava vunnið Ársins miðlaheiður fyri gransking, eru:
2012 - Dorete Bloch
2013 - Pál Weihe
2014 - Kári Sólstein
2015 - Bogi Hansen
2017 - Jens-Kjeld Jensen
2018 - Magni Mohr
2019 - Lis Mortensen
2020 - Debes Christiansen
2021 - Marnar Fríðheim Kristiansen.
2022 - Maria Skaalum Petersen