Tvey føroyingalið í næstbestu donsku fótbóltsdeildini vóru í leiki í dag.
Leivur Mortensen sum stóð seg væl í HM-undankappingardystinum móti Lettlandi skoraði fýra mál fyri lið sítt, Odder sum vann ein sera týdningarmiklan 32-27 sigur á Vendsyssel á útivølli. Serliga var tað fyrri hálvleikur sum hilnaðist væl hjá Odder, ið var á odda 16-11 í steðginum.
Komandi mikukvøld spælir Odder heimadyst móti liðnum hjá Róki Akralíð, Odense.
Brandur Halgirsson skoraði eitt mál tá hann og liðfelagarnir í Ajax taptu sera tepurt 19-20 fyri Grindsted á útivølli. Í steðginum var Ajax á odda 11-10.
Komandi leygardag spælir Ajax heimadyst móti HEI Skæring.
Støðan:
| Nr. | LIÐ: | Dystir | Stig |
| 1 | HC Midtjylland | 15 | 28 |
| 2 | Team Sydhavsøerne | 15 | 23 |
| 3 | HØJ | 14 | 23 |
| 4 | Grindsted GIF | 15 | 21 |
| 5 | Ajax | 16 | 15 |
| 6 | IK Skovbakken | 15 | 14 |
| 7 | HEI Skæring | 14 | 12 |
| 8 | Odder | 15 | 12 |
| 9 | TM Tønder | 14 | 11 |
| 10 | Otterup HK | 14 | 11 |
| 11 | Roskilde | 14 | 10 |
| 12 | Vendsyssel | 16 | 9 |
| 13 | FIF | 14 | 8 |
| 14 | HC Odense | 13 | 7 |
