Í fjør var tað í finaluróðri á ólavsøku, at Heykur vann og tryggjaði sær FM heitið dygst undan dreingjunum úr Klaksvík umborð á Fípuni Føgru.
Hesir báðir bátarnir kappast aftur í ár um at vinna og FM heitið.
Undan dagsins róðri á Miðvági var Fípan Fagra tvey stig undan Heyki úr Hósvík.
Í dag var eingin ivi. Heykur leyp avstað, og dreingirnir úr Hósvík høvdu tak á róðrinum allan 1000 metra teinin.
Fípan Fagra var næstfyrst, og hesir báðir bátarnir fóru undan Ørnini úr Sandavági, sum var klárt nummar trý.
Fípan Fagra royndi, men tað eydnaðist ongantíð at fáa fatur á Heyki, sum eina løtu var leys av Fípuni. Tá ið bátarnir komu fram ímóti málinum var munurin ein bátslongd, og tí var ikki tann spenningur um sigurin, sum tað hevur verið fleiri av undanfarnu ferðirnar.
1 | Heykur | 04:53.36 | 7 | 0 | 0 |
2 | Fípan Fagra | 04:55.36 | 6 | 0 | 0 |
3 | Ørnin | 05:04.01 | 5 | 0 | 0 |
4 | Jallurin | 05:09.19 | 4 | 0 | 0 |
5 | Knúkur | 05:11.49 | 3 | 0 | 0 |
6 | Leikalind | 05:12.17 | 2 | 0 | 0 |
7 | Teistin | 05:14.01 | 1 | 0 | 0 |
8 | Royndin Fríða | 05:15.45 | 0 | 0 | 0 |
9 | Sílið | 05:15.46 | 0 | 0 | 0 |
10 | Ingibjørg | 05:26.14 | 0 | 0 | 0 |
11 | Firildur | 05:28.08 | 0 | 0 | 0 |
12 | Aldan | 05:34.27 | 0 | 0 | 0 |