Javnaðarflokkurin vil gera gerandisdagin hjá íverksetarum og smærri vinnufyritøkum lættari. Tað segði Aksel V. Johannesen í formansrøðuni á landsfundinum í Sørvági í dag.
Flokkurin vil broyta partafelagsskattin hjá smærri fyritøkum, so tær rinda minni enn stórar fyritøkur.
- Búskapurin skal vaksa frá fólkinum, góðum hugskotum og virkishugi hjá fólki, sum hava hug at royna okkurt nýtt. Vit ynskja eitt fjølbroytt vinnulív við nógvum smáum íverksetarum í staðin fyri nøkrum fáum fyritøkum, sum leggja tað mesta av vinnulívinum undir seg, segði Aksel V. Johannesen, formaður í Javnaðarflokkinum.
