Tveir teir fyrstu dystirnir í 31. umfari í Premier League hava verið í kvøld. Leicester City spældi málleysan javnleik móti Brighton á heimavølli, meðan Tottenham vann 2-0 á West Ham.
Tað tók eina løtu at fáa hol á hjá José Mourinho og hansara monnum. Beint fyri hálvleik skoraði Heung-Min Son fyri Tottenham, men málið bleiv kolldømt fyri millimetur-rangstøðu av VAR. Í seinna hálvleiki gjørdi Tomas Soucek sjálvmál og Harry Kane staðfesti sigurin.
Í gjár vann Manchester City heili 5-0 á Burnley. Millum keðiligu tíðindini eru, er at Sergio Aguero nokk ikki verður at síggja á vøllunum aftur hetta kappingarárið. Manchester City var sannførandi og tað hevði venjari hjá Liverpool, Jurgen Klopp, eisini fingið við
Til tíðindafundin í samband við dystin hjá Liverpool í annaðkvøld móti Crystal Palace, bleiv Jurgen Klopp spurdur um hann helt, at Manchester City enn kundi innheinta Liverpool
- Nei, Eg hugdi eftir Manchetster City og hugsaði hvussu tað ber til at nakað lið er tjúgu stig frammanfyri teir. Okkurt gera vit rætt, sigur Jurgen Klopp.
Liverpool er tjúgu stig fremst.
| 1 | Liverpool | 30 | 27 | 2 | 1 | 66:21 | 83 |
| 2 | Manch.City | 30 | 20 | 3 | 7 | 76:31 | 63 |
| 3 | Leicester | 31 | 16 | 7 | 8 | 59:29 | 55 |
| 4 | Chelsea | 30 | 15 | 6 | 9 | 53:40 | 51 |
| 5 | Manch.Utd | 30 | 12 | 10 | 8 | 45:31 | 46 |
| 6 | Wolves | 30 | 11 | 13 | 6 | 43:34 | 46 |
| 7 | Tottenham | 31 | 12 | 9 | 10 | 50:41 | 45 |
| 8 | Sheffield Utd | 30 | 11 | 11 | 8 | 30:28 | 44 |
| 9 | Crystal Palace | 30 | 11 | 9 | 10 | 28:32 | 42 |
| 10 | Arsenal | 30 | 9 | 13 | 8 | 41:41 | 40 |
| 11 | Burnley | 30 | 11 | 6 | 13 | 34:45 | 39 |
| 12 | Everton | 30 | 10 | 8 | 12 | 37:46 | 38 |
| 13 | Newcastle | 30 | 10 | 8 | 12 | 28:41 | 38 |
| 14 | Southampton | 30 | 11 | 4 | 15 | 38:52 | 37 |
| 15 | Brighton | 31 | 7 | 12 | 12 | 34:41 | 33 |
| 16 | Watford | 30 | 6 | 10 | 14 | 28:45 | 28 |
| 17 | West Ham | 31 | 7 | 6 | 18 | 35:54 | 27 |
| 18 | Bournemouth | 30 | 7 | 6 | 17 | 29:49 | 27 |
| 19 | Aston Villa | 30 | 7 | 5 | 18 | 35:58 | 26 |
| 20 | Norwich | 30 | 5 | 6 | 19 | 25:55 | 21 |
