Á hvørjum ári eru tríggjar steypakappingar í amboðsfimleiki, har kappast verður í einum, tveimum ella trimum amboðum hvørja ferð. Um nýggj amboð koma við, verður sum oftast kappast fyrstu ferð í teimum í einari steypakapping.
Kappingin í morgin, sum verður í Fimi í Havn, er onnur av trimum, og hon koyrir líkasum í tveimum, tí gentur og smádreingir sleppa framat klokkan 11, men høllin er tøk til fyrireikandi venjing longu frá klokkan 9.
Tey eldru, sum eru kvinnur, menn, kvinnuunglingar, mansunglingar og dreingir, byrja at kappast klokkan 15, men sleppa fram at høllini tveir tímar áðrenn.
Hjá kvinnum verða amboðini hesa ferð lop og forskotin barr, og hjá monnum eru amboðini gólv, reck og paralell barr.
Tann fyrsta av steypakappingunum var 22. januar, og tann triðja og seinasta verður 19. februar.
