Elias Ellefsen á Skipagøtu og liðfelagarnir í THW Kiel spældu í kvøld grannauppgerð á útivølli móti Flensburg Handewitt í bundesliguni.
Tá 64 sekund vóru eftir av dystinum var THW Kiel á odda, men seinastu løtuna var heimaliðið omaná. Tað sveið hjá Eliasi og liðfeløgunum, at danski Emil Jakobsen skoraði sigursmálið til 28-27 í allarseinasta sekundi.
Kiel var á odda 17-14 í steðginum, og var á odda 27-24 tá smáir fimm minuttir vóru eftir av dystinum.
Elias skoraði fýra mál og legði upp til eitt mál hjá Kiel.
Havnarmaðurin á danska landsliðnum, Jóhan á Plógv Hansen skoraði seks mál fyri heimaliðið.
Kiel er triðfremst í bundesliguni við seks stigum fyri fýra dystir.
Komandi sunnudag hevur Kiel heimadyst móti Melsungen.
