Í samband við at kirkan í Sandi júst er farin um tey 175 árini, verður hátíðarhald á Sandi sunnudagin. Í kirkjuni verður ein heilt serlig gudstænasta, og eisini verður bæði bispur og dómspróvsturin til staðar.
Eftir sjálva gudstænastuna verður bjóðað til suppu, køkur, kaffi og te í ungmannafelagshúsinum Virkinum, og her eru øll hjartaliga vælkomin.
Tað verður Jákup Reinert Hansen, prestur, sum fer at prædika. Hann hevur verið prestur í Sandoyar prestagjaldi í meira enn tríati ár.
Eftir at hava verið prestur í Sandoyar prestagjaldi so mong ár, er Jákup Reinert Hansan farin í annað starv, og í hesum sambandi hevur kirkjuráðið í Sandoyar prestagjaldi avgjørt at innstillað Havstein Klein at røkja prestaembæti.
Nýggi presturin verður settur í starvi 2. sunnudag í advent, og tað verður Bjørn Kalsøe, mentamálaráðharri, ið fer at seta nýggja prestin í starvi.
Meira kann lesast um Sandoyar kirkju og søgu hennara, í vikuskiftisblaðnum hjá Sosialinum.
