Hvør hevur verið best hesi 25 árini?
Tann spurningin setir fjepparafelagið Skansin okkum í dag, á 25 ára degnum fyri sigurin í Landskrona.
Føroyar hava spælt nógvar dystir síðani 1-0 sigurin á Eysturríki og nógvir spælarar hava mannað liðið síðani. Spurningurin er tó, hvør hevur verið best?
- Sjálvandi standa nakrar løtur klárari í huganum enn aðrar, eitt nú tá Hans Fróði Hansen skallaði bóltin í kassan til 1-1 ímóti Skotlandi. Ella tá Øssur Hansen við einum framúr skotið javnaði til 2-2 í evstu løtu ímóti Slovenia. Aðrar ferðir hevur tað verið "stong" út hjá okkum, sum tá Hjalgrím Eltør einsamallur ímóti Oliver Kahn rakti stongina. Eisini vóru vit einans ein bøk á Svangarskarði frá, at John Petersen skoraði hattrick ímóti skotum, skrivar fjepparafelagið.
Fótbóltsfjepparar munnu uttan iva hava sínar yndisleikarar á landsliðnum. Úr rúgvuni kunnu nevnast, umframt teir 11 sum framdu bragdið í Landskrona, Jákup Mikkelsen, ið hegnisliga lyfti arvin eftir Jens Martin Knudsen. Óli Johannesen var álitið í miðverjuni í mong ár. Inji Højsted, Jákup á Borg ella Jan Allan Müller, kanska? Ella hava Gunnar Nielsen ella Brandur H. Olsen longu vunnið sær pláss millum teir allar bestu?
Vinnarin verður funnin á tann hátt, at fyrst er møguleiki at atkvøða millum allar teir, ið hava verið á landsliðnum. Tað verður gjørt her.
Síðani verður atkvøtt millum 10 teir fremstu, har góðir vinningar eisini vera latnir til øll, ið atkvøða. Vinnarin verður kunngjørdur til seinasta landsdystin í 2015, tá Rumenia kemur á vitjan 11. oktober 2015.
Møguleiki er at lesa meira um leikararnar á heimasíðuni hjá FSF.
