Christian prinsur gevst á Herlufsholm, og Isabella prinsessa fer ikki sum ætlað í 9. flokk á skúlanum eftir summarfrítíðina.
Tað stendur í fráboðan frá krúnprinsahjúnunum á heimasíðuni hjá kongshúsinum.
Avgerðin er tikin í kjalarvørrinum á áhaldandi atfinningunum av skúlanum. Nú hevur Styrelsen for Undervisning og Kvalitet (STUK) funnist at Herlufshom í eini fyribils meting av trivnaðinum á skúlanum.
– Tað hevur verið ein trupul tilgongd fyri okkum sum familju. Men vegna samlaðu myndina og okkara serligu støðu sum krúnprinsahjún hava vit valt, at Christian prinsur gevst á Herlufsholm, og at Isabella prinsessa ikki fer í 9. flokk á skúlanum eftir summarfrítíðina, stendur í boðunum.
Krúnprinsaparið fer í sammar saman við børnum teirra at »taka støðu um framtíðarskúlaval teirra«.
/ritzau/
