Dr. Football Podcast, sum er ein íslendsku fótbóltsmiðil, skrivar í dag, at íslendska meistaraliðið, Breiðablik, hevur keypt Patrik Johannesen frá Keflavík fyri ein hálv millión krónur.
Patrik Johannesen er í løtuni við á landsliðsferðini í Kosovo. Fyri løtu síðan kom liðið út og Patrik Johannesen verður við frá byrjan. Hann hevur skorað eina ferð á landsliðnum. Tað var móti Liktenstein í Pinatar í Spania fyrr í ár.
Patrik Johannesen hevur staðið seg væl í íslendsku kappingini í ár. Hann hevur í 17 dystum skorað átta mál. Tað vakti ans, tá Patrik Johannesen í septembur var í Klaksvík og vandi við KÍ. Hann hevur fyrr spælt við KÍ.
