Tvey føroyingalið vóru í leiki í næstbestu donsku hondbóltsdeildini í dag.
Leivur Mortensen, ið hevur funnið seg væl til rættis í FIF skoraði fimm fyri FIF í dag. Talan gjørdist tó ikki um eina góða heildaruppliving, tí FIF var fyri stórtapi 26-38 á heimavølli fyri Grindsted.
Grindsted var á odda 19-14 í steðginum.
Liðið hjá Rógva Dal-Christiansen, Roskilde var eisini fyri tapi á heimavølli. Roskilde tapti 23-27 fyri Odder.
Odder var á odda 14-11 í steðginum.
Rógvi skoraði eitt mál fyri Roskilde í dag.
FIF er nummar seks í deildini við 10 stigum. Roskilde er aftast í deildini við bert fimm stigum.