Hákun West av Teigum og liðfelagarnir í Skanderborg Århus eru úti av meistarastríðnum í bestu donsku hondbóltsdeildini.
Skanderborg Århus tapti sera avgerandi dystin í bólki 2 fyri Bjerringbro/Silkeborg á útivølli.
Bjerringbro/Silkeborg vann dystin 28-24 aftaná at hava verið á odda 14-11 í steðginum.
Nú er bert ein dystur er eftir at leika hevur GOG átta stig, Fredericia hevur sjey stig, Bjerringbro/Silkeborg hevur fimm stig og aftast er Skanderborg Århus við trimum stigum.
Komandi sunnudag spælir Hákun seinasta dystin fyri Skanderborg Århus, tá Fredericia kemur á vitjan.
Komandi kappingarár fer Hákun at spæla við Füchse Berlin. Áðrenn tað er U21 HM-endaspælið á skránni í júst Týsklandi, dagarnar 20. juni til 2. juli.
