Liverpool og Chelsea eru líka vánalig

Premier League: Hvørki Liverpool ella Chelsea skoraðu, tá risarnir í kreppu møttust á Anfield

Fyrstu dysturin í 20. umfari í Premier League hevur verið. Tað endaði málleyst millum Liverpool og Chelsea, sum bæði eru í leikligari kreppu. Við hesum úrslitinum er lítið sannlíkt, at tey verða at síggja í Champions League komandi kappingarár.

 

Undan dystinum lá Liverpool nummar 9 og Chelsea nummar 10. Tað er óvanligt fyri hesar risarnar í enskum fótbólti, men dysturin gav eina greiða ábending um hví feløgini ikki liggja betri fyri. Tað vóru ein røð av feilavleveringum og fyri tað mesta vandaleyst í álopsstøðu.

 

Chelsea skoraði annars longu í fyrstu minuttunum eftir hornaspark, men málið bleiv kolldømt fyri rangstøðu. Cody Gakpo, sum er keyptur í vetur frá PSV, fekk aftur møguleikan, men hann tykist ikki trívast á liðnum hjá Liverpool enn.

 

Chelsea hevur brúkt fyri tríggjar milliardir krónur hetta kappingarárið, men tað sást ikki aftur á liðuppstillingini. Chelsea kann seta eitt heilt lið við spælarum, sum ikki vóru við í dag vegna skaða og leikbann.

 

Í seinna hálvleiki kom ukrainski Mykhailo Mudryk á vøllin. Hann er júst keyptur fyri áleið 750 milliónir krónur frá Shakhtar Donetsk. Hann vísti lítlu løtuna hann var á vøllinum, at vit kunnu vænta meira av skjóta og bóltsterka vonginum.

 

Eftir dystin sást á spælarunum, at hetta var einki serligt. Hvørki Liverpool ella Chelsea kunnu brúka eitt stig til nakað. Seinni í dag verða fleiri uppgerðir, ið hava stóran týdning í botninum.

 

Premier League 20. umfar:

 

Liverpool – Chelsea 0-0

 

Bournemouth – Nottingham Forest

 

Leicester City – Brighton

 

Southampton – Aston Villa

 

West Ham – Everton

 

Crystal Palace - Newcastle

 

Sunnudagin:

 

Leeds United – Brighton

 

Manchester City – Wolverhampton

 

Arsenal – Manchester United

 

Mánadagin:

 

Fulham - Tottenham

 

1Arsenal18152142:1447
2Manchester City19133350:2042
3Manchester Utd19123430:2239
4Newcastle19108133:1138
5Tottenham20103739:3133
6Fulham2094732:2931
7Brighton1893635:2530
8Liverpool1985634:2529
9Brentford1978432:2829
10Chelsea2085722:2129
11Aston Villa1974822:2725
12Crystal Palace1965818:2723
13Nottingham F.1955915:3420
14Leeds1845926:3317
15Leicester19521226:3317
16Wolves19451012:2717
17Bournemouth19441118:4116
18West Ham19431215:2515
19Everton19361015:2615
20Southampton19431217:3415