##med2##
Kosovo-Føroyar 1-1 (0-0)
1-0 Beslimi (64.)
1-1 Stefan Radosavljevic (77.)
Stefan Radosavljevic hevur mangan verið føroyska U21-landsliðnum góður, har hann hevur skorað fimm mál og havt mong góð avrik.
Í kvøld kom so tann higartil størsta landsliðsløtan hjá Stefani, tá hann skoraði fyrsta A-landsliðsmáli hjá sær.
- Eg eri so rørdur, at eg fái ikki tosað, segði Stefan við Trónd Arge aftaná dystin.
Stefan vónar, at málið kann hjálpa honum at taka næsta stigið á fótbóltsyrkisleiðini hjá sær, tá flytingarvindeygað letur upp í januar.
Nú skal hendan landsliðstroyggjan vaskast og goymast sum eitt kært minnið um tað fyrsta av vónandi mongum málum fyri landsliðið.
Á ljóðfíluni omanfyri ber til at hoyra Trónd Arge siga frá málinum, og samrøðuna Tróndur gjørdi við málskjúttan.