Størsti vøksturin bæði í krónum og lutfalsliga er á Sandi. Har øktist skattainntøkan fyrstu ellivu mánaðirnar í ár við 5,83 prosentum ella 690.787 krónum. Í ár var skattainntøkan fyrstu ellivu mánaðirnar 12,53 milliónir krónur, meðan hon í fjør var 11,54 milliónir krónur.
Í Skopun vaks skattainntøkan fyrstu ellivu mánaðirnar sammett við í fjør við 4,09 prosentum ella 436.091 krónum. Í ár var hon 11,09 milliónir, meðan hon í fjør var 10,65 milliónir krónur.
Í Skálavík vaks skattainntøkan við 4,26 prosentum, sum svarar til 157.177 krónur. Í ár var hon 3,85 milliónir krónur, meðan hon í fjør var 3,68 milliónir krónur.
Í Húsavíkar kommunu, sum fevnir um Húsavík og Dal, minkaði skattainntøkan fyrstu ellivu mánaðirnar við 9,05 prosentum ella 270.619 krónum. Í ár var inntøkan 2,72 milliónir krónur, meðan hon í fjør var 2,99 milliónir krónur.
Í Skúvoy hilnaðist skattainntøkan ikki so væl fyrstu ellivu mánaðirnar í ár, sum hon gjørdi tað í fjør. Inntøkan í ár var 38.259 krónur minni. Tað svarar til eina afturgongd upp á 4,38 prosent. Inntøkan frá januar og til november í ár var 836.035 krónur. Í fjør var hon 874.294 krónur.
