Túsundáraritið er eitt listablað í 200 hondnummereraðum eintøkum. Blaðið er í høvuðsheitum sett saman av myndum og yrkingum. Eisini eru smærri løtusamrøður við teimum annars ”gloymdu” í samfelagnum; undirgrundarvirksemi, har vit leita eftir vakurleika í óruddinum.
– Til framsýningina vilja vit vísa tilgongdina, vit hava brúkt at framleiða blaðið. Alt tilfarið varð gjørt í hond, áðrenn tað bleiv sent til prentingar. Tí verða upprunamyndirnar framsýndar á útgávutiltakinum. Harumframt verður eitt úrval av servaldum myndum úr blaðnum prentað serliga til framsýningina, skrivaðu fyrireikararnir í sambandi við tiltakið.
Listamenninir eru Gwenaël Akira Helmsdal Carré og Sigmund V. P. Zachariassen.
##med2##
Gwenaël Akira Helmsdal Carré, myndlistafólk, ið mest fæst við fotografi. Hann hevur áður sýnt fram bæði á Vár- og Ólavsøkuframsýningini hjá Listasavni Føroya. Hann hevur avmyndað og filmað fyri bæði Eivør, Brimheim, Guðrið Hansdóttir og mong úr føroyska tónleikaheiminum.
Eisini starvast Gwenaël sum barrkonsulentur fyri Hilton Garden Inn.
##med2##
Sigmund V. P. Zachariassen er tónleikari, yrkjari og til tíðir fotografur. Hann spælir við í Joe & The Shitboys og Kóboykex. Tó gevur Sigmund eisini út tónleik undir egnum navni. Hann hevur spælt konsertir í Stóra Bretlandi, Niðurlondum, Danmark, Íslandi og Føroyum.
Eisini lesur Sigmund bachelor í listarligum arbeiði á Fróðskaparsetri Føroya.
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
##med14##
##med15##
##med16##
##med17##
##med18##
##med19##
##med20##
##med21##
##med22##
##med23##
##med24##
##med25##
##med26##
