Ben Arabo er ikki longur formaður í nevndini í BankNordik. Tað varð greitt eftir ársaðalfundin í gjár. Tá skipaði nývalda nevndin seg, og tá varð greitt, at Ben Arabo nú er vanligur nevndarlimur.
Nýggi nevndarformaðurin og nýggja næstforkvinnan í nevndini eru bæði nývald i nevndini, sum skipaði seg soleiðis:
· Sverre Bjerkeli, formaður
· Jóhanna Lava Køtlum, næstforkvinna
· Ben Arabo, aðalfundarvaldur nevndarlimur
· Jógvan Jespersen, aðalfundarvaldur nevndarlimur
· Michael Ahm, aðalfundarvaldur nevndarlimur
· Kenneth M. Samuelsen, starvsfólkaumboð
· Rúna Hentze, starvsfólkaumboð
· Alexandur Johansen, starvsfólkaumboð
Nýggi nevndarformaðurin, Sverre Bjerkeli er føddur í 1959. Hann er stjóri í norska tryggingarfelagnum Protector.
Jóhanna Lava Køtlum, sum er nýggj nevndarnæstforkvinna, er fødd í 1968. Hon er stjóri í P/F Fiskaaling.