Natasja gjørdist toppskjútti hjá Haukum

Bæði føroyingaliðini í bestu hondbóltsdeildini hjá kvinnum í Íslandi vóru í leiki í dag. 

Natasja Hammer skoraði seks mál, og gjørdist saman við Berglind Benediktsdóttir toppskjútti hjá Haukum, ið á útivølli tapti 31-36 fyri Stjørnuni.

Í steðginum var Stjarnan á odda 16-12.

Úti á Heimey vunnu Ingibjørg Olsen og liðfelagarnir í ÍBV 32-27 á Selfossi. ÍBV legði góðan botn við góðum avriki í fyrra hálvleiki. Í steðginum var ÍBV á odda 19-12.

Ingibjørg skoraði eitt mál fyri ÍBV í dag.

Komandi leygardag tekur Haukur móti HK á heimavølli. Sama dag spælir ÍBV móti Fram á útivølli.