Kappingarárið hjá Natasju Hammer og liðfeløgunum í Haukum í bestu kvinnudeildini í hondbólti í Íslandi endaði í dag.
Haukar taptu eisini seinnu fjórðingsfinaluna fyri KA/Þór á heimavølli.
KA/Þór vann ein tepran 24-23 sigur á Haukum.
Gongdin í dystinum var hendan: 3:3, 5:5, 7:5, 9:9, 10:11, 11:15, 12:15, 19:20, 22:21, 23:22, 23:24.
Tá átta minuttir vóru eftir av dystinum vóru Haukar á odda 23-21, men tað eydnaðist ikki heimaliðnum at skora aftaná tað.
Í seinasta sekundinum av dystinum sendi Aldís Ásta Heimisdóttir hjá KA/Þór eitt fríkast beinleiðis í málið hjá Haukum best sum øll trúðu, at talan fór at vera um longda leiktíð.
Haukar taptu 27-30 fyri KA/Þór í fyrru fjórðingsfinaluni.
Natasja kom ikki á máltalvuna fyri Haukar í dag.