Tað er bert ein verri málmunur í mun til H71, ið skilur neistamenn frá fjórða plássinum í Burn mansdeildini aftaná 26-22 sigurin hjá Neistanum á Kyndli í høllini á Hálsi í kvøld. Í steðginum var Neistin á odda 12-9.
Neistin hevur eins og H71 seks stig. Hoyvíkingar hava tó betri málmun.
Brøðurnar Bjørgvin, Johannes hjá Neistanum og Kristoffur hjá Kyndli gjørdu serliga vart við seg í dystinum í kvøld við at skjóta sjey mál í part.
VÍF og KÍF hava átta stig, og Team Klaksvík hevur sjey stig. StÍF hevur fimm stig á sætta plássi meðan Kyndil er aftast við tveimum stigum, so tað er harður dystur um at røkka FM-hálvfinalunum.
Neistin-Kyndil 26-22 (12-9)
Málskjúttar Neistin: Johannes Bjørgvin 7, Rasmus Søby 6, Ágúst Ingi Óskarsson 5, Isak Vedelsbøl 4, Jonn Rói Torfinsson 3, Felix Már Kjartansson 1.
Málskjúttar Kyndil: Kristoffur Bjørgvin 7, Ove Lützen 6, Tróndur Wardum 3, Anders Risdal 3, Dánjal Sørensen 2, Tummas Sørensen 1.