Noah Mneney og liðfelagarnir í Bryne spældu í dag áttandapartsfinalu í norsku steypakappingini.
Bryne spældi á útivølli móti Stabæk, ið spælir í bestu norsku fótbóltsdeildini. Stabæk vann ein knúsandi 5-0 sigur. Í steðginum var Stabæk á odda 1-0.
Tá Noah slapp á vøllin í 69. minutti var Stabæk á odda 3-0. Sostatt gjørdist áttandapartsfinalan endastøðin hjá Bryne í norsku steypakappingini.
Bryne spælir fyrsta landskappingardystin í næstbestu norsku fótbóltsdeildini 10. apríl, tá Kongsvinger kemur á vitjan.
Áðrenn tað eru ymiskir venjingardystir á skránni.
Rógvi Baldvinsson var ikki við í hópinum hjá Bryne í dag.
