Norska stjórnin hevur gjørt av at lata landsins sendistovu í sýriska høvuðsstaðnum Damaskus aftur. Sambært uttanríkisráðharranum, Jonas Gahr Støre, er tað tann ótrygga støðan í Sýrialandi, sum er orsøkin til avgerðina.
Uttanríkisráðharrin legði afturat, at eitt starvfólk á donsku sendistovuni skal taka sær teimum norsku áhugamálunum, nú stendistovan er stongd.
Tað hevur verið sera ófriðarligt í Sýrialandi tað seinasta árið, og sambært sýriskum mannarættindafelagsskapum hava meiri enn 8.000 fólk latið lív í ófriðinum.
