Ígjár hevði føroyska A-landsliðið fyri fyrstu ferð síðani FIFA og UEFA-limaskapin í 1988 tveir tvímálsskjúttar í einum altjóða skrásettum landsdysti.
Klæmint A. Olsen og Brandur H. Olsen skoraðu tvey mál hvør, og teir báðir hava saman við Jóan Símuni Edmundssyni møguleikan at gerast søguligir toppskjúttar fyri Føroyar.
Enn hava Klæmint og Jóan Símun við sínum sjey málum hvør trý mál upp til Rógva Jacobsen, Brandur hevur skotið seks mál fyri Føroyar, og hevur nú skotið líka nógv mál sum legendurnar Fróði Benjaminsen og John Petersen.
Hallur Hansson hevur skotið fimm mál, og Rógvi Baldvinsson hevur skotið fýra mál fyri Føroyar
Enn er Uni Arge mest effektivi málskjútti Føroya í mun til spældar dystir, men har manglar lítið í hjá Klæminti at fáa Rógva Jacobsen, ið er triðmest effektivi málskjúttin í mun til spældar dystir aftur. Uni skoraði 0,22 mál pr. landsdyst og Rógvi Jacobsen skoraði 0,19 mál pr. landsdyst. Todi Jónsson skoraði 0,2 mál pr. landsdyst. Klæmint hevur higartil skorað 0,18 mál pr. landsdyst.
Søguligi toppskjúttaralistin hjá Føroyum:
Nr. | Spælari: | Mál | Landsdystir | Snitt | Tíð á landsliðnum |
---|---|---|---|---|---|
1 | Rógvi Jacobsen | 10 | 53 | 0.19 | 1999–2009 |
2 | Todi Jónsson | 9 | 45 | 0.2 | 1991–2005 |
3 | Uni Arge | 8 | 37 | 0.22 | 1992–2002 |
4 |
Jóan Símun Edmundsson Klæmint A. Olsen |
7 7 |
64 39 |
0.11 0.18 |
2009– 2012-
|
5 | John Petersen | 6 | 57 | 0.11 | 1995–2004 |
Fróði Benjaminsen Brandur H. Olsen |
6 6 |
95 44 |
0.06 0.14 |
1999–201 2014- | |
Hallur Hansson | 5 | 57 | 0.09 | 2012– | |
9 | Jan Allan Müller | 4 | 34 | 0.12 | 1988–1998 |
Rógvi Baldvinsson | 4 | 49 | 0.08 | 2011– | |
Christian Lamhauge Holst | 4 | 49 | 0.08 | 2003–2015 | |
Julian Johnsson | 4 | 62 | 0.06 |
1995–2006 Kelda: Wikipedia |