Danska veðurstovan DMI roknar við, at tað verður fitt av vindi næstu dagarnar. Fleiri dagar verður vindurin upp í 15 ella 18 m/s.
DMI sigur, at mánadagin verða 10-15 m/s av suðri, samdrigið, og út á fyrrapartin kemur regn av vestri. Seinnapartin ælaveður, og vindurin veksur upp í 13-18 m/s av útsynningi. Hitin millum 9 og 12 stig. Um náttina niður í 7 stig.
Týsdagin verða 13-18 m/s av útsynning. Samdrigið og regn. Um náttina minni vindur og klárari, men ælaveður. Hitin verður 10-13 stig, um náttina niður í 7 stig.
Mikudagn verða 10-15 m/s av útsynningi, seinnapartin og um kvøldið eitt skifti 5-10 m/s av útsynningi og suðri. Um náttina 10-15 m/s av suðri og landsynningi. Skiftandi skýrák og ælaveður. Hitin um 10 stig, um náttina millum 5 og 8 stig.
Hósdagin verða 10-15 m/s av landsynningi, um kvøldið 5-10 m/s. Samdrigið og ælaveður. Hitin millum 7 og 9 stig, um náttina 4-7 stig.
Fríggjadagin verða 5-10 m/s av eystri og landnyðringi. Samdrigið og regn, um náttina klárari í veðrinum, men ælaveður. Hitin millum 4 og 8 stig.
