Trolltunga, sum liggur 700 metrar omanfyri Ringedalsvatnet í Noregi, er eitt heimskent ferðamál, og nú hevur Ullensvang Kommuna fyri fyrstu ferð givið loyvi til, at fólk kunnu giftast á sjálvari Trolltunga.
Tíðindastovan NTB skrivar, at vígslur av útvaldum pørum verða 14. august og bert hendan eina dagin. Fólk kunnu fram til 11. august søkja um at sleppa at giftast á Trolltunga, og roknað verður við, at fólk úr nógvum londum fara at liggja framvið.
Trolltunga er eitt tað kendasta ferðamálið í Noregi og liggur nakað eystanfyri Bergen.
Tað er ikki greitt, hvussu nógv pør sleppa at gifta seg á Trolltunga hendan serliga dagin.
