Aftur í nátt leypa russar á ukrainska høvuðsstaðin, Kyiv, við dronum.
Sambært leiðaranum fyri hernaðarumsitingini í ukrainska høvuðsstaðnum, Tymur Tkatsjenk, hava dronur gjørt skaða á ein íbúðarbygning.
- Tvey støð í Kyiv eru higartil í nátt rakt av russiskum dronum, sigur hann.
Tymur Tkatsjenk sigur, at loftverjan, sum skal verja býin móti russiskum álopum, er aktiverað, og fólk eru biðin um at søkja sær skjól.
- Harðar spreingingar eru at hoyra í ukrainska høvuðsstaðnum, sigur eitt AFP-tíðindafólk, sum er í Kyiv í nátt.
