Á felags kirkjuráðsfundi í gjár var nólsoyingurin Hanus Pál Jógvansson, gudfrøðingur, innstillaður til kallið sum virkandi sóknarprestur í Suðurstreymoyar vestara prestagjaldi frá 1. mai – 31. juli 2022. Tað skrivar Fólkakirkjan.
Tá ið talan er um vikar, er biskupur setanarmyndugleikin.
Treytað av at landsstýrismaður í mentamálum gevur vígsluloyvi, er ætlanin at prestvíga Hanus Pál í dómkirkjuni 24. apríl kl. 16.
Undir gudstænastuni í Vesturkirkjuni sunnudagin 1. mai klokkan 11 skipar dómprósturin nýggja prestin í kallið.
Fýra umsøkjarar vóru til vikariatið.
