Av tí at borgarstjórin á Eiði, Rógvi Egilstoft, fer í farloyvi í morgin og verður burtur í eitt hálvt ár, hevur bygdaráðið valt Annsy Høghamar til fyribils borgarstjóra hetta tíðarskeiðið.
Á bygdaráðsfundi í kvøld var Annsy Høghamar einmælt vald til borgarstjóra.
Annsy er fyrsti kvinnuligi borgarstjóri í Eiðis kommunu.
Hon er dóttir Hildigarð Høghamar, sum var fyrsta kvinnan í Eiðis bygdarráð, og sat frá 1981-84.
