Tórshavnar kommuna hevur í dag sett Eyðun Húsgarð í starv sum leiðari fyri Svimjihøllina.
Eyðun Húsgarð, sum er útbúgvin prentari og skipsførari, hevur leiðsluroyndir úr vinnulívinum, eitt nú sum stjóri á Prentmiðstøðini.
Hann hevur eisini verið varaleiðari í Svimjihøllini eitt tíðarskeið umframt arbeitt sum lívbjargari.
Eyðun er eisini kendur í felagsumhvørvinum bæði í Havnar Svimjifelag og Svimjisambandi Føroya.
Svimjihøllin hevur uml. 160.000 vitjandi árliga. Høllin verður í løtuni bygd út við langhyli og vælveruøki.