Rønn hevur starvast sum mentanarleiðari í Fuglafjarðar kommunu síðani januar 2016. Sum mentanarleiðari varðar hon av skúla, mentan og frítíð, ferðavinnu, samskifti og miðling og arbeiðir við at byggja økið og deildina upp.
Rønn hevur eina masterútbúgving í tvørmiðlasamskifti frá KU og eina diplom í leiðslu frá Fróðskaparsetrinum. Harumframt hevur hon eitt nú starvast innan samskifti og marknaðarføring, sum samskiftisráðgevi í privatu vinnuni, verkætlanarleiðari og hevur eisini undirvíst á Føroya Handilsskúla á Kambsdali.
Á fundi 27. september hitti Sirið Stenberg, landsstýriskvinna, virkandi forkvinnuna, Vár Berghamar Jacobsen, sum tók við eftir Duritu Dahl Andreassen og nýggju forkvinnuna, umframt hinar limirnar í Leiklistaráðnum.
Sirið Stenberg brúkti høvið at kunna um uppgávurnar hjá Leiklistaráðnum. Stór og spennandi mál eru fyri framman, bæði at byggja eitt nýtt tjóðleikhús og setan av nýggjum stjóra fyri Tjóðpallin.
Landsstýriskvinnan ynskir nýggju forkvinnuni og leiklistaráðnum blíðan byr, og takkar Duritu og Margretu fyri tíðina.
Í Leiklistaráðnum eru:
Rønn Eliasen, forkvinna
Benjamin Gaasedal
Vár Berghamar Jacobsen
Ria Tórgarð
Heini Gaard
Barbara Hentze í Stórustovu
Arnfinnur Nesá
