ODDAGREIN: Corydon hermir eftir Jørgen

Tað var boðskaðurin, sum Jørgen Nicla­sen, fíggjarmálaráðharri sendi út seinnapartin fríggjadagin.

Í stuttum er boðskapurin hjá Jørg­en Niclasen, at danski fíggj­ar­mál­a­ráð­harrin, Bjarne Corydon, nú er far­in at herma eftir lands­stýr­i­num við at skatta pensjónir við inn­gjaldi heldur enn við útgjaldi. Hetta er sami Bjarne Corydon, sum fyri stutt­um hev­ur hart­að Jørg­en Nicla­sen og lands­stýr­ið, tí at lóg­in um at skatta pensjónir við inn­gjaldi heldur enn við útgjaldi varð sett í verk, uttan at staturin sum ar­beiðs­gevari, ella onnur, sum varða av mál­inum, eitt nú fak­fel­øg­ini, sum hava sáttmála við statin, fingu høvi til siga sína hugsan um lóg­ar­upp­skotið, sum tey ikki fingu til hoy­r­ingar.

Tað er sera áhugavert, at Jørg­en Nicl­a­­sen, sum undirskrivar seg sum fíggj­­ar­mál­a­ráðharri, so­leið­is boð­ar frá, at danska javn­að­ar­stjórn­in nú tek­ur und­ir við skatta­poli­­tikk­­­i­num hjá Jørg­en Niclasen. Hetta er so á­huga­vert, at tað átti at fingið størri yv­ir­skrift­ir, enn eitt tíð­­ind­a­skriv frá Fólka­­flokk­i­num. Hvar eru fakfeløgini, sum so mann­sterk hava mót­mælt? Hvar eru all­ir bú­skap­ar­frøð­ing­ar­nir, sum so staði­liga hava mót­mælt pol­i­tikk­­i­num hjá lands­stýr­i­num? Hvar er and­­støð­an, sum so náð­i­leyst hev­ur nið­­ur­­gjørt pol­i­tikk­in hjá landsstýrinum?

Um tað veruliga er satt, sum Jørg­en Niclasen sigur, at Bjarne Cor­y­don og danska stjórnin nú herma eft­ir Jørg­en Nicl­a­sen og Før­­oya Lands­stýr­i, so mugu fak­fel­­øg og and­s­tøða bíta høvdið av all­­ari skomm! Um Bjarne Cory­don og Helle Thorn­ing-Schimdt leggja seg sker­fløt fyri Jørg­en Nicla­sen, so pass­ar tað sum Kaj Leo so ofta hev­ur sagt, at »okkurt gera vit rætt«.

Men um tað ikki passar, sum Jørg­­en Nicl­a­sen sigur, so støðan eins álv­ar­som, tí ein fíggj­ar­mál­a­ráð­­harri má ikki siga ósatt.
»Skattanýskiapnin hjá donsku Javn­að­ar­stjórn­ini lík­ist tí í nógv­ar mát­ar skatt­a­ný­skip­an­ini og upp­skot­i­num til karmar hjá føroya lands­stýri fyri at fáa gongd í aftur før­oyska búskapin, samstundis sum und­ir­skot landskassans, sum frá líð­ur, verður vent til yvirskot.«

Vit fáa óivað nógvar við­merk­ing­ar ­til út­søgn­ini hjá Jørgen Niclasen, so vit bíða í spenningi um, hvør er klók­ari, Jørgen Niclasen ella Bjarne Cory­don...