ODDAGREIN: Flokkar duga betur javnstøðu

Hon vísir á, at støðan í Føroyum ikki er góð, tí kvinnu­um­boð­an­in er ov lítil. Hon vísir eisini á, at val­ið hesa­ferð í so máta var ein aft­ur­gongd, tí kvinnuumboðanin í før­oysk­um komm­un­u­stýr­um fór úr 31 niður í 28 prosent.
Vit hava so mangan víst á, at størsti trup­ul­leikin við javnstøðu í poli­tikki er, at fyri at kvinnur skulu fáa vald, sum mugu menn missa vald. Og tað er tað, sum er so ringt hjá monn­um. Teir halda helst, at kvinnu skulu sleppa framat – men bara tað ikki gongur út yvir »teir«.
Tí skal altíð ein kollvelting til, fyri at kvinn­ur skulu fáa vald. Ofta verða pol­it­isku flokkarnir last­að­ir fyri vant­andi vilja til at fremja javn­støðu. Men taka vit komm­un­u­val­ið hes­a­ferð, so hava pol­it­isku flokk­ar­nir skikk­að sær væl í so máta. Ser­liga í Havn, í Klaksvík og á Tvør­oyri. Men tó eisini í Vági og í Eyst­ur­komm­unu, ið hava flokspolitiska upp­still­ing.
Í Havn vórðu valdar seks kvinn­ur og sjey menn í býráðið. Tað gev­ur eitt pro­sent­býti upp á 46/54. Í Klaks­vík vórðu valdar fimm kvinn­ur og seks menn. Tað gevur eitt pro­sent­býti upp á 45/55.
Hetta ber boð um, at í hvussu so er Javn­að­ar­flokk­ur­in og Tjóð­veldi í Havn hava dug­að at havt eina góða upp­still­ing – og eina góða kvinnu­upp­still­ing. Sama kann sigast um Fólka­flokk­in, Javn­að­ar­flokk­in og Tjóð­veldi í Klaksvík.
Hinvegin hava Fólkaflokkurin og Sam­bands­flokk­ur­in í Havn dugað hetta út av lagi illa.
Bak­slátt­ur­in – ella back­lash ­' – sum Beinta í Jákupsstovu tosar um, er ser­liga galdandi á plássum, har fólk­ið stillar upp á »almennum list­um«. Her síggja vit nógvastaðni, at man­e­rerað verð­ur so­leið­is, at bara ein listi er – ella í øll­um før­um ein stór­ur listi, sum ræður, eitt nú í Runa­vík og Sunda kommunu. Her er einki fótarbeiði áðrenn, eingin plan­legg­ing um upp­still­ing, so sum pol­it­isk­ir flokk­ar gera. Her er tað ganska al­mind­i­ligur tal­i­ban­stí­lur, sum verð­ur brúkt­ur. Tað er eis­ini ein­fald­ari, tí so sleppa menn frá at lata vald­ið frá sær, og kvinn­ur­nar halda seg ikki til, og so koyrir tað bara víðari upp á besta beskubb.
Kanska skuldu politisku flokk­ar­nir gjørt meira við upp­still­ing í fleiri komm­unum kring landið, tí har er kanska eitt sind­ur meira av skili í hó­ast alt. Pol­it­isku flokk­ar­nir gurnda sín pol­i­tikk á ym­isk virð­is­grund­ar­løg, sum fólk við yms­um upp­fat­an­um kunnu kenna seg aft­ur í – og teir duga bet­ur javn­støðu enn floks­leysu mans­dom­i­ner­aðu list­ar­nar...
Lesið grein hjá Beintu í Jákupsstovu á síðu 20