Tað er lítil roynd við línu undir Føroyum í løtuni.
Einki ísfiskalínuskip er til fiskiskap, hvørki undir Føroyum ella aðrastaðni.
Hinvegin eru seks frystilínuskip úti - tvey fiska í íslendskum sjógvi, og fýra fiska undir Føroyum.
Streymurin harðnar út á vikuna sum kemur, og veðrið verður umskiftandi.
- Útlitini til útróður eru tískil ikki av teimum bestu.
Á Fiskamarknaði Føroya vita tey í dag at siga, at útróðrarbátarnir fáa mest av hýsu og so nakað av toski.
