Óli Mittún slapp á vøllin, tá Sävehof á heimavølli í Partille fekk javnleik 26-26 móti Skövde í bestu svensku hondbóltsdeildini.
Tá fýra minuttir vóru eftir av dystinum var støðan 26-23 til Skövde. Óli skoraði til 24-26, og tað eydnaðist Sävehof at knógva heim ein javnleik.
Í steðginum var støðan javnleikur 11-11.
Óli skoraði tvey mál fyri Sävehof í kvøld. Fyrra málið var eitt brotskast, ið Óli setti í netið.
Elias Ellefsen á Skipagøtu er uttanfyri við einum skaða í knænum.
Sävehof hevur trý stig aftaná tveir teir fyrstu dystirnar í bestu svensku deildini higartil.
Leygardagin spælir Sävehof á útivølli móti Alingsås.