Poul Andrias Ziska, høvuðskokkur á Koks, sum nú er flutt úr Føroyum til Grønlands – og sum í gjár varðveitt báðar Michelin stjørnurnar

Gutti Winther, kokkur, heldur tað vera heilt fantastiskt bragd av Koks at megna at varðveita báðar stjørnurnar, hóast matstovan er flutt av landinum.

Koks heldur nú til í Illimanaq í Grønlandi

Ótrúliga flott av Koks at varðveita Michelin-stjørnurnar

Føroyska matstovan í Grønlandi framdi tað bragd í gjár at varðveita tvær stjørnur frá Michelin, hóast matstovan er flutt úr Føroyum til Grønlands.

Eirikur Lindenskov

05.07.2022 (17:17)

Poul Andrias Ziska, høvuðskokkur á Koks, sum nú er flutt úr Føroyum til Grønlands – og sum í gjár varðveitt báðar Michelin stjørnurnar

Gutti Winther, kokkur, heldur tað vera heilt fantastiskt bragd av Koks at megna at varðveita báðar stjørnurnar, hóast matstovan er flutt av landinum.

Koks heldur nú til í Illimanaq í Grønlandi

##med2##

Tá ein Michelin-matstova flytur av matriklinum, skiftir kokkar ella ger aðrar smærri broytingar, so er vanligt at tær missa sína Michelin-stjørnu. Tað hendi til dømis tá danska matstovan Noma í 2017 lat aftur. Hon hevði tá tvær Michelin-stjørnur, sum matstovan misti. Men hon fekk báðar aftur í 2019 og ta triðju í 2021.

Tí mundu tey flestu vænta, at Koks fór at missa stjørnurnar hesaferð. Hon er ikki bara stongd. Hon er flutt úr Føroyum og til Illimanaq í Grønlandi og hevur nú grønlendskar rávørur sum sítt vørumerki. Kortin eyndaðist tað Koks í gjár at varðveita báðar stjørnurnar, tá Michelin býtti út stjørnur til matstovur í Norðurlondum á tiltaki í Stavanger í Noreg.

– Hetta var ófatuliga flott og yvirraskandi, sigur Gutti Winther, kokkur.

Hann vísir á, at er sera óvanligt, at ein matstovu, sum er flutt úr einum landi til annað kortini megnar at varðveita tvær Michelin-stjørnur, soleiðis sum Koks gjørdi í gjár.

Trýstið á pílin undir myndini at hoyra samrøðuna, sum Árni Gregersen hevði við Gutta Winther í tíðindunum á FM1 á middegi.

##med3##

Hesar matstovur í Norðanlondum hava nú tríggjar Michelin stjørnur:

Danmark

Noreg