Tað vísir roknskapurin, sum er kunngjørdur á vinnuvitan.biz.
Bruttovinningur felagsins var í fjør 27,2 milliónir krónur í móti 28,6 árið fyri. Lønarútreiðslurnar vóru 12,6 milliónir krónur í mun til 11 milliónir árið fyri.
Úrsltið áðrenn skatt var 11,7 milliónir krónur. Eftir eina skattarokning upp á 2,1 millión krónur, so gevur tað eitt úrslit upp á 9,6 milliónir krónur – eitt vet lakari enn árið fyri, tá metúrslitið hjá P/F Wenzel var upp á 12,6 milliónir krónur.
Partapeningurin hjá P/F Wenzel er 4,9 milliónir krónur. Eginognin hjá felagnum er 27,8 milliónir í mun til 26,2 milliónir árið fyri.Orsøkin til at vøksturin í eginognini ikki er eins stórur og yvirskotið er, at felagið hevur rindað partaeigarunum 8,0 milliónir krónur í vinningsbýti.
Stjóri hjá P/F Wenzel er Rúni M. Djurhuus.
Í nevndini eru:
Jógvan Emil Nielsen, nevndarformaður
Bárður Brimvík Tórshavn, nevndarlimur
Hjalti Hvítklett, Hoyvík, nevndarlimur
Rúni Martinsson Djurhuus, Hoyvík, nevndarlimur
