Fyrrverandi amerikanski varaforsetin Mike Pence er í kvøld farin í gongd við valstríð sítt til forsetavalið við einum tiltakið í statinum Iowa.
Har leggur hann eftir fyrrverandi stjóra sínum, fyrrverandi forsetanum, Donald Trump.
Millum annað finst hann at Trump fyri at hava handlað óforsvarliga tann 6. januar í 2021, tá lopið varð á Kongressina í USA.
– Sum eg havi sagt fleiri ferðir, so var vóru orðini hjá Turmp á hesum lagnudegi fyrilitarleys, og hann setti familju mína og øll í Kongressini í vanda, sigur Pence sambært tíðindastovuni AFP.
Pence boðaði fyrr í dag frá – á sínum 64 ára føðingardegi – alment, at hann fer at royna at gerast valevni hjá Republikanska flokkinum til forsetavalið í 2024.
Á tiltakinum í Iowa legði hann fram kanska harðastu atfinningar sínar at leiklutinum hjá Donald Trump undir álopinum á Kongressina.
– Eg haldi, at øll, sum seta seg oman fyri grundlógina, ongantíð kunnu gerast forsetar í USA. Og øll, sum biða onnur um at seta seg oman fyri grundlógina, skulu ikki kunna gerast forsetar í USA aftur, segði Pence.
Trump noktaði at viðganga, at hann tapti eftir forsetavalið í 2020.
/ritzau/
##med2##
##med3##
##med4##
