Eitt av størstu tónleikanøvnunum í Grønlandi, fólkasangarin Rasmus Lyberth, hevur nú valt at minka munandi um ferðina.
- Eg havi brúkt nógv tíð til at fyrireika meg til hesa avgerð. Nú fari eg at brúka tíðina til at mála og njóta lívið.
Tað sigur hann í samrøðu við Sermitsiaq, nú hann hin 21. august í ár fyllir sjeyti ár.
Í meira enn 40 ár hevur hann verið "upp á fartin" - ella on the road again. Hann hevur ferðast úr bygd í bý og hevur hildið konsertir.
Nú er hann skjótt komin til vegamótið.
- Eg orki ikki meira, orki ikki tær stóru konsertirnar. Tað er ein farin tíð, har eg stríðist frá tíðliga á morgni til seint á kvøldi, soleiðis sum neyðugt er at gera, tá tú ert á ferð. Nú er liðugt við hesum.
Tá ætlaðu várkonsertirnar í Danmark eru lidnar, er bert eitt stórt tiltak eftir, nevniliga tað, sum helst verður ein av hansara stóru farvæl-konsertum.
Konsertin verður í Nuuk í august, tá hann samstundis kann hátíðarhalda sín føðingardag.
Ert tú heilt vísur í tínari avgerð?
- Ja, tað haldi eg, at eg eri, sigur Rasmus Lyberth, sum Sermitsiaq hevur skift orð við.
